Bahasa Jawa " Raden Gatutkaca "

Raden Gatutkaca

Raden gatutkaca iku putrane Raden Werkudara lan Dewi Arimbi. Raden Gatutkaca nalika isih cilik asmane Raden Tutuka. Nalika kayangan suralaya diserang dening Patih Sekipu para dewa kuwalahan ngadhepi. Patih Sekipu diutus Prabu Pronco ratu ing trebelasuket nglamar bathari supraba nanging ditolak mula Patih Sekipu ngamuk. Bathara Narada entuk wangsitsing bisa ngalahke Patih Sekipu putrane Raden Werkudara kang isih bayi. Bathara Narada banjur nyilih Raden Tutuka lan digawa menyang karangan. Raden tutuka diebu karo Patih Sekipu. Para dewa sing weruh padha unjal ambegan weruh kahanan bayi kog diebu perang tandhing. Nanging aneh, Raden Tutuka ora kalah nanging malah saya ampuh. Patih Sekipu mati dicokot Raden Tutuka, para dewa seneng banget atine. Amarga saking bungahe karangan bisa tentrem, Radem Tutuka banjur diparingi pusaka wujud caping, klambi lan terompah. Asmane Raden Tutuka banjur diganti dadi Raden Gatutkaca. Raden Gatutkaca nduweni otot kawat, balung wesi, kulit tembaga. Raden Gatutkaca banjur dibalekake ana Jodhipati marang wong tuane yaiku Raden Werkudara.

Sumber LKS Bahasa Jawa Kelas 3
Di ketik Ulang Oleh Nafisa Eka Kurniasari
Kelas 3

Bahasa Jawa " Pasrawungan "

Pasrawungan

Urip ana masyarakat iku ora gampang. Watak saben wong iku ora padha, mula kudu isa anggone srawung. Srawung iku gegayutan karo wong akeh.Ana pasrawungan kudu duwe prinsip.Ora kena mung melu-melu ombyaking kahanan. Menawa duwe kepinginan kudu sing mantep. Supaya gegayuhan iku bisa kasil kudu sregep lan disiplin.

Ora beda urip ana sekolahan,karo kanca kudu sing rayuk lan sing rukun,ora kena padha pasaluyan.Pasulayan bisa njalari crah.Crah iku bisa agawe bubrahe kekancan.Menawa bisa rukun kabeh gegayuhane mesthi isa kelakon.Tuladha menawa oleh tugas kelompok saka pak guru,menawa rukun mesthi cepet rampung.Tuladha ana pasrawungan ing masyarakat yaiku nyimon.Nyimon iku mbiyantu bot repote wong kang lagi duwe.Umpamane mbiyantu wong kang duwe gawe mantu,utawa sunatan.

Sumber LKS Bahasa Jawa Kelas 3

Diketik Ulang oleh Nafisa Eka Kurniasari

Kelas 3