Semar
Semar kuwi dewa aran Bethara Ismaya. Semar
sedulure Bethara Guru utawa Bethara Manikmanya.Semar lan Bethara Guru kuwi
putrane Sang Hyang Tunggal. Bethara Guru ana Kahyangan, dene Semar dititahake
ing marcapada (donya) pinangka pamomonge pandhawa.
Semar wujude asline bagus. Sawise
tumintah ing marcapada muleh rupane dadi elek. Semar duwe watak sabar, welas
asih, lan ora tau nduwe rasa susah. Nanging menawa nesu,ora ana wong sing bisa
ngalang – alanggi. Senadyan dewa ora ana sing wani. Titenane,menawa nesu luhe
dleweran lan bola - bali ngentut.
Semar tansah ngasorake sarira.
Menawa matur marang bendarane kanthi andhap asor. Nanging, yen ngomong karo
dewa kaya kanca biyasa. Semar cengeng,gampang nangis. Menawa bendarane ngadhepi
bebaya, semar nanggis nganggo wangsalan.
Semar, Gareng, Petruk, lan
Bagong pinangka wulu cumbune pandhawa. Semar nduwe ciri mripat rembesen,irung
nyunthi, lambe ngisor rada dawa, rambut jambul, nganggo gelang, bokong gede,
lan tanggan tansah di banda.
Sumber:
Sinau Basa Jawa, hal 89
Karangan:
Drs. Haryono dkk.
Terbitan:
Yudistira
Diketik
ulang oleh Fadil Maulana Dwi Saputra
Kelas IV
Tidak ada komentar:
Posting Komentar