Tawon Madu
Madu duwe kasiyat sing gedhe tumrap kasarasan.
Mula akeh manungsa sing mbudi daya ternak tawon madu. Papan sing cocok yaiku
ing pangonan sing edhum lan ora akeh angin, akeh kekembangan, sarta banyu tuk
sing bening. Mula, ternak tawon madu biasane pindhah-pindhah panggonan manut
mangsane tetanduran padha kembang.
Jinis tawon madu bibit
unggul yaiku Apis mellifera. Ternak tawon madu kuwi digawe
koloni – koloni. Koloni yaiku gerombolan tawon ing saben susuh utawa tala.
Saben koloni dumandi seka: ratu tawon siji, tawon lanang sewu, lan tawon pekerja sangang
ewu. Tawon ratu tugase mimpin lan ngendhong. Tawon lanang tugase njaga
keamanane susuh utawa tala. Dene tawon pekerja tugase
golek nektar. Nektar yaiku legen ing kembang sing disedot
tawon pinangka bahan bakune madu.
Ternak tawon
madu anggone panen saben telung sasi sapisan. Saben koloni ing kaanan biyasa
bisa ngasilake madu 4 kg saben panen. Ing mangsa paceklik kembang ngasilake 2
kg. Dene ing mangsa akeh kembang biasane ngasilake madu nganti 8 kg saben
panen.
Sumber :
Sinau Basa Jawa
Karangan :
Drs. Haryono dkk.
Terbitan :
Yudistira
Diketik
ulang oleh Latief Permana Putra
Tidak ada komentar:
Posting Komentar